وزيراعظم ۽ ڪي پي جي وڏي وزير جي ملاقات سٺي شروعات آهي: صدر  آصف علي زرداري

صدر  آصف علي زرداريءَ، وزيراعظم شهبازشريف ۽  ڪي پي جي وڏي وزير علي امين گنڊاپور جي ملاقات جي آجيان ڪئي آهي. جاري ڪيل بيان ۾ آصف علي زرداري، وزيراعظم ۽ ڪي پي جي وڏي وزير وچ ۾ ملاقات جي آجيان ڪئي. سندس چوڻ هو ته وزيراعظم ۽ ڪي پي جي وڏي وزير وچ ۾ ملاقات سٺي شروعات آهي. آصف علي زرداريءَ چيو ته هي ئي وقت  آهي ته پاڪستان لاءِ  ذاتي اختلاف پاسيرا رکي ملڪ خاطر سوچيو وڃي. صدر چيو ته هو سدائين پاڪستان کي پهرين ترجيح ڏيڻ جو حامي رهيو آهي، وقت اچي ويو آهي ته هو ماڻهن کي اميد ڏياريون ته جمهوري عمل ڪم ڪري سگهي ٿو.