وفاقي حڪومت سپريم ڪورٽ آف پاڪستان کي سپريم ڪورٽ پريڪٽس اينڊ پروسيجر ايڪٽ خلاف درخواستون رد ڪرڻ جي درخواست ڪري ڇڏي.
اٽارني جنرل وفاقي حڪومت جو لکت ۾ جواب سپريم ڪورٽ ۾ جمع ڪرايو.
وفاقي حڪومت جي جواب ۾ اپيل ڪئي وئي آهي ته پارليامينٽ جي قانون خلاف درخواستون نه ٻڌڻ جوڳيون آهن، پريڪٽس اينڊ پروسيجر ايڪٽ خلاف درخواستون خارج ڪيون وڃن.
جمع ڪرايل جواب ۾ وفاقي حڪومت چيو آهي ته پارليامينٽ آئين جي آرٽيڪل 191 تحت قانون سازي ڪري سگهي ٿي، آئين جو آرٽيڪل 191 پارليامينٽ کي قانون ٺاهڻ کان نٿو روڪي.
وفاقي حڪومت طرفان جمع ڪرايل لکت واري جواب ۾ چيو ويو آهي ته پريڪٽس اينڊ پروسيجر ايڪٽ سان عدليه جي آزادي متاثر نه ٿي آهي.
جمع ڪرايل جواب ۾ وفاقي حڪومت جو چوڻ آهي ته پريڪٽس اينڊ پروسيجر ايڪٽ تحت سپريم ڪورٽ جو ڪو به اختيار واپس نه ڪيو ويو .
وفاقي حڪومت طرفان جمع ڪرايل لکت واري جواب ۾ اهو به چيو ويو آهي ته ميرٽ تي به پارليامينٽ جي ايڪٽ خلاف درخواستون ٻڌڻي جوڳيون ناهن……..
