وفاقي سرڪار آپريشن عزم استحڪام تي مرحليوار عمل ڪرڻ جو فيصلو ڪندي سمورن ڀائيوارن سان صلاح مشوري کانپوءِ حڪمت عملي تيار ڪري ڇڏي.
ذريعن موجب، وفاقي سرڪار دهشتگردي ۽ انتها پسندي جي خاتمي لاءِ نيشنل ڊائيلاگ ڪندي.
ذريعن جو چوڻ آهي ته وزيراعظم شهباز شريف ڪابينا ميمبرن کي آپريشن جي سببن ۽ دائري بابت اعتماد ۾ ورتو.
ذريعن موجب، وفاقي ڪابينا قومي ڊائيلاگ ۽ نئين حڪمت عملي جي منظوري ڏئي ڇڏي.
ذريعن جو چوڻ آهي ته آپريشن عزم استحڪام دوران 30 سيڪڙو ڪارروايون، 70 سيڪڙو ڳالهيون ۽ ٻيا قدم کنيا ويندا.
ذريعن موجب، ڏهين محرم کانپوءِ قومي ڊائيلاگ لاءِ آل پارٽيز ڪانفرنس ڪوٺائي ويندي.
ذريعن جو چوڻ آهي ته وزيراعظم شهباز شريف، سمورن سياسي اڳواڻن سان رابطا به ڪندو، اتحادين کي به اعتماد ۾ وٺي اڳتي وڌندا.
