سيوهڻ ۾ برهماڻي برادريءَ طرفان پوليس جي مبينا زيادتين خلاف احتجاجي مظاهرو ڪري ڌرڻو هنيو ويو.
بوسڪي برهماڻي، ڪامريڊ قلندر بخش نوحاڻي، شير محمد برهماڻي ۽ ٻين جي اڳواڻيءَ ۾ جهانگارا شهر ۾ ٽائر ساڙي احتجاجي مظاهرو ڪري نعريبازي ڪئي وئي.
احتجاج ڪندڙن ميڊيا سان ڳالهائيندي الزام هڻندي چيو ته پوليس نثار برهماڻي تي ڪوڙو ڪيس داخل ڪري وڏي زيادتي ڪئي آهي.
هنن چيو ته نثار برهماڻي تان ڪيس ختم نه ٿيو ته سموري سنڌ ۾ احتجاجي تحريڪ شروع ڪئي ويندي.
احتجاج ڪندڙن اعليٰ اختيارين کان مطالبو ڪيو ته معاملي جو نوٽيس وٺي نثار برهماڻي خلاف ڪيس ختم ڪري انصاف ڪيو وڃي.
