ٽرمپ انتظاميا، جوبائيڊن جي دور ۾ امريڪا آيل پناهگيرن جي جاچ جو حڪم

ٽرمپ انتظاميا، جوبائيڊن جي دور ۾ امريڪا آيل پناهگيرن جي جاچ جو حڪم ڏئي ڇڏيو. پرڏيهي خابرو ايجنسي موجب، ٽرمپ انتظاميا اڳوڻي صدر جوبائيڊن جي حڪومتي دور ۾ آمريڪا ۾ داخل ٿيل سمورن پناهگيرن جي مڪمل جاچ پڙتال ۽ ٻيهر انٽرويوز جو حڪم ڏنو ويو آهي. پرڏيهي ميڊيا جي رپورٽ موجب، فيصلي تحت 20 جنوري 2021ع کان 20 فيبروري 2025ع جي وچ ۾ آيل 2 لک 33 هزار کان وڌيڪ ماڻهن جا ڪيس کـُلي سگھن ٿا. يو يو ايس سٽيزن شپ اينڊ اميگريشن سروسز جي ڊائريڪٽر جو ايڊلو حڪمنامي تي صحي ڪري ڇڏي آهي جنهن بعد بائيڊن دور ۾ پناهگيرن جي گرين ڪارڊز جي درخواستن تي ڪارروائي روڪي ڪئي آهي، جاچ پڙتال مڪمل ٿيڻ تائين گرين ڪارڊز جي درخواستن تي وڌيڪ ڪم نه ٿيندو. ٻئي پاسي پناهگيرن بابت تنظم ايڇ آءِ اي ايس جي سربراهه مارڪ هيٽ فيلڊ، ٽرمپ انتظاميا جي ان فيصلي کي غير ضروري، ظالماڻو ۽ وسيلن جو زيان قرار ڏنو آهي. سندس چوڻ آهي ته امريڪا کان اچڻ کان اڳ ئي سخت ترين جاچ جي مرحلي مان گذرندا آهن………….