ٽنڊو رحيم خان ۾ شهرين طرفان ملٽي نيشنل آئل اينڊ گئس ڪمپني جي ناانصافين خلاف احتجاجي مظاهرو ڪيو ويو.
شهرين ڪامريڊ امين جمالي، حسين جنگواڻي، گل بيگ شاهواڻي ۽ ٻين جي اڳواڻي ۾ احتجاجي مظاهرو ڪري ڌرڻو هنيو.
احتجاج ڪندڙن جو چوڻ هو ته ڪمپني 13 سالن کان علائقي مان گيس اربين رپين جي ماليت جو گيس ڪڍي رهي آهي، پر علائقي واسين کي گيس سميت روزگار جي ڪابه سهولت فراهم ناهي ڪئي ۽ نه ئي وري علائقي ۾ ترقياتي ڪم ڪرايا آهن.
هنن اعليٰ اختيارين کان مطالبو ڪيو ته ڪاڇي واسين سان ڪمپني طرفان ٿيندڙ زيادتين جو نوٽيس وٺي علائقي واسين کي حق ڏنا وڃن.
