ٽنڊي جان محمد ۾ عورت زيبو لغاري ڌيءَ سان زيادتي جي ڪوشش ڪندڙن کي گرفتار ڪري تحفظ ڏيڻ جي اپيل ڪئي آهي.
متاثر عورت زيبو لغاري مڙس ۽ پٽ سان گڏ دانھيو ته امير بخش ۽ شير محمد پٽ ايوب لغاري ھڪ ھفتو اڳ سندس گھر ۾ گھڙي نياڻي کي لڄالٽ جو نشانو بڻائڻ جي ڪوشش ڪئي.
هن چيو ته ڇڏائڻ دوران جوابدارن کيس ۽ ڌي کي مارڪٽ ڪري ڪپڙا ڦاڙي ڇڏيا ۽ گھر مان زوري چار ٻڪريون پڻ ڪاھي ويا، چڱن مڙسن ۽ پوليس کي دانھيو پر انصاف نه ٿو ڪيو وڃي.
عورت ڊي آءَ جي ۽ ايس ايس پي ميرپورخاص کان مطالبو ڪيو ته جوابدارن خلاف ڪيس داخل ڪري کين تحفظ فراھم ڪيو وڃي……..
