ٽنڊي غلام علي ويجهو چنگچي رڪشا ۽ موٽر سائيڪل ۾ ٽڪر ٿيڻ جي نتيجي ۾ هڪ ڄڻو فوت ۽ ٻه ڄڻا زخمي ٿي پيا.
گلاب لغاري روڊ تي پراڻي سينيما وٽ چنگچي رڪشا ۽ موٽر سائيڪل ۾ ٽڪر ٿي پيو جنهن جي نتيجي موٽرسائيڪل سوار 35 ورهين جو رميش ٺاڪر، 25ورهين وشرام ٺاڪر ۽ شگهن ٺاڪر زخمي ٿي پيا.
ڳوٺاڻن جي اطلاع تي پوليس پهچي زخمين کي کڻائي رورل هيلٿ سينٽر پهچايو جتان ٽنهي زخمين کي ڳڻتي جوڳي حالت ھئڻ ڪري حيدرآباد منتقل ڪيو ويو . نوجوان رميش ٺاڪر زخمن جا سور نه سهيندي حيدرآباد جي اسپتال ۾ دم ڏنو، جڏھن ته وشرام ٺاڪر ۽ شگهن ٺاڪر جي به حالت نازڪ ٻڌائي پئي وڃي.
