تازه ترين

ٽي ٽوئنٽي ورلڊ ڪپ جي سيمي فائنل ۾ ڏکڻ آفريڪا، افغانستان کي 9 وڪيٽن تان شڪست ڏئي پهريون ڀيرو فائنل لاءِ ڪواليفائي ڪري ورتو

ٽي ٽوئنٽي ورلڊ ڪپ جي سيمي فائنل ۾ ڏکڻ آفريڪا، افغانستان کي 9 وڪيٽن تان شڪست ڏئي پهريون ڀيرو فائنل لاءِ ڪواليفائي ڪري ورتو.

افغانستان جي بيٽنگ لائن ڏکڻ آفريڪي بالرن اڳيان بيوس بڻجي وئي، هنن کٽڻ لاءِ رڳو 57 رنسن جو ٽارگيٽ ڏنو، ڏکڻ آفريڪا گهربل هدف 8 ڏهائي 4 اوورن ۾ هڪ وڪيٽ جي نقصان تي حاصل ڪري ورتو.

ڏکڻ آفريڪا خلاف ٽاس کٽي پهريان بيٽنگ ڪندي افغانستان جي پوري ٽيم 11 ڏهائي 5 اوورن ۾ رڳو 56 رنسن تي آئوٽ ٿي وئي.

ٽي 20 ورلڊ ڪپ جي سيمي فائنل ۾ افغانستان جي بيٽنگ لائن ڏکڻ آفريڪا خلاف سخت جدوجهد ڪئي، ڪو به بيٽسمين ڏکڻ آفريڪا جي بالرن جو مقابلو نه ڪري سگهيو.

افغانستان طرفان عظمت الله عمرزئي 10 رنسون ٺاهي سگهيو، رحمان الله گربز، محمد نبي ۽ نور احمد بنا ڪنهن رنس ٺاهڻ جي آئوٽ ٿيا.

ابراهيم زدران 2، گلبدين نائب 9، ننگياليا خروٽ 2، ڪريم جنت 8، راشد خان 8 ۽ نوين الحق 2 رنسون ٺاهيون.

ڏکڻ آفريڪا طرفان مارڪو جانسن ۽ تبريز شمسي 3، 3 وڪيٽون ورتيون جڏهن ته ربادا ۽ اينريڪ نوڪيا 2، 2 وڪيٽون ورتيون.

افغانستان خلاف اننگز جي شروعات ڪندڙ ڏکڻ آفريڪي بيٽسمين ڪوئنٽن ڊي ڪاڪ 5 رنسون ٺاهي پويلين موٽي ويو.

ڏکڻ آفريڪا طرفان رضا هينڊرڪس 29 ۽ ڪپتان ايڊرين مارڪرم 23 رنسن جي ناٽ آئوٽ اننگز کيڏي پنهنجي ٽيم کي فائنل تائين پهچايو.

افغانستان طرفان فضل حق فاروقي اننگز جي واحد وڪيٽ ورتي.

ايونٽ جي پهرئين سيمي فائنل ۾ افغانستان ۽ ڏکڻ آفريڪا جون ٽيمون ٽرينيڊاڊ جي برائن لارا اسٽيڊيم ۾ آمهون سامهون ٿينديون.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
112,000SubscribersSubscribe
Pakistan
few clouds
22.7 ° C
22.7 °
22.7 °
55 %
0.6kmh
20 %
آچر
29 °
سُومر
31 °
اڱارو
33 °
اربع
35 °
خميس
31 °

تازه ترين خبرون