آءِ سي سي ٽي ٽوئنٽي ورلڊ ڪپ ۾ پاڪستان کي بدترين شڪست کانپوءِ پاڪستاني شوبز ستارن جي قومي ٽيم ڇتي تنقيد
آءَ سي سي ٽي ٽوئنٽي ورلڊ ڪپ جي سڀ کان وڏي دنگل ۾ ڀارت پاران پاڪستان کي شڪست ملڻ کانپوءِ پاڪستاني اداڪار قومي ٽيم تي ڏمرجي پيا،
9 جون تي نيويارڪ جي نساوڪائونٽي انٽرنيشل ڪرڪيٽ اسٽيڊيم ۾ گروپ اي جي ٽيمن ۾ ميچ کيڏي وئي، ميچ ۾ ڀارت پاڪستان کي 119 رنسن جو هدف ڏنو هو، پر پاڪستاني ٽيم ڀارت جي آسان هدف کي به حاصل ڪرڻ ۾ ناڪام رهيو،
ٽي ٽوئنٽي ورلڊ ڪپ جي سڀ کان وڏي دنگل ۾ ڀارت پاڪستان کي 6 رنسن سان شڪست ڏئي، شوقينن جون دليون کٽي ورتيون، جڏهن ته پاڪستاني شوقين مايوس ٿي ويا،
ڀارت خلاف آسان هدف پوري نه ڪرڻ تان جتي شوقين قومي ڪرڪيٽ ٽيم کان مايوس نظر اچي رهيا آهن ته اتي پاڪستان شوبز ستارا به سوشل ميڊيا تي تنقيد ڪئي آهي،
پاڪستاني ڊرامه انڊسٽري جي اداڪارا صرحا اصغر پنهنجي انسٽاگرام اسٽوري تي لکيو آهي ته ” کٽيل ميچ کي هارائيڻ، صرف اسان کي ايندو آهي“
راڳي عاصم منير اظهر طرفان قومي ٽيم جي ناقص ڪاڪردگي تي ڪاوڙ جو اظهار ڪندي چيو آهي ته ” بلڪل فضول ڪرڪيٽ، ڪوئي پلان ناهي، ڪرڪيٽ کي خدا حافظ، پاڪستان زنده آباد
اداڪار اسد صديقي ڀارت خلاف شڪست تي افسوس جو اظهار ڪندي چيو ته ” قسم سان افسوس ٿيندو آهي، گهڻي خراب ڪرڪيٽ،
پاڪستان جي مشهور اداڪارا حرا خان پنهنجي انسٽاگرام اسٽوري ۾ ٽي وي اسڪرين جي تصوير شيئر ڪئي جنهن تي لکيل هو ته قومي ٽيم کي ميچ کٽڻ لاءِ 2 بالن ٻارنهن رنسن جي ضرورت هئي، ۽ ان سان گڏ لکيل هو ته ” اسان کي ائين ئي ماري ڇڏيو“
ڪاميڊين اداڪار ۽ ميزبان احمد علي بٽ دلچسپ انداز ۾ قومي ٽيم تي ڪاوڙ جو اظهار ڪندي لکيو ته، اوهان هارايو، يا هارايو، بس …. اوهان مان اِهي ئي اميدون آهن،..
