پاڪستان، ابابيل ويپن سسٽم جو ڪامياب تجربو ڪري ورتو، آءِ ايس پي آر جو چوڻ آهي ته ميزائل سسٽم جو مقصد خطي ۾ اسٽريجڪ استحڪام کي وڌائڻ آهي.
پاڪستان، ابابيل ويپن سسٽم جو ڪامياب تجربو ڪري ورتو.
انٽر سروسز پبلڪ ريليشنز موجب، ميزائل سسٽم جو مقصد خطي ۾ اسٽريجڪ استحڪام کي وڌائڻ آهي.
آءِ ايس پي آر جو چوڻ آهي ته چيئرمين جوائنٽ چيفس آف اسٽاف ڪميٽي جنرل ساحر شمشاد مرزا، اسٽريٽجڪ پلانز ڊويزن، اسٽريٽجڪ فورسز جي سينيئر آفيسرن، سائنسدانن ۽ انجنيئرن تجربو ڏٺو.
آءِ ايس پي آر موجب، چيئرمين جوائنٽ چيفس آف اسٽاف ڪميٽي جنرل ساحر شمشاد مرزا ڪامياب تجربي ۾ سهڪار تي سڀني ماڻهن جي فني صلاحيتن، محنت ۽ عزم جي ساراهه ڪئي.
آءِ ايس پي آر جو چوڻ آهي ته صدر عارف علوي، نگران وزيراعظم انوار الحق ڪاڪڙ ۽ سروسز چيفس به ڪاميابي تي اسٽريٽجڪ فورسز جي سڀني ميمبرن کي مبارڪ ڏني آهي.
