پاڪستاني بس ڊرائيور جو پٽ صادق خان مسلسل ٽيون ڀيرو لنڊن جو ميئر چونڊجي ويو

پاڪستاني بس ڊرائيور جو پٽ صادق خان مسلسل ٽيون ڀيرو لنڊن جو ميئر چونڊجي ويو آهي. ليبر پارٽيءَ جي اميدوار لنڊن جو ميئر بڻجڻ جي هيٽ ٽرڪ مڪمل ڪري ورتي. پرڏيهي ميڊيا موجب برطانيا ۾ مڪاني چونڊن دورنا ليبر پارٽيءَ 102 تڪن ۾ هڪ هزار 34 ڪائونسلرن جي ڪاميابيءَ سان پهرين نمبر تي اچي وئي آهي، جڏهن ته حڪمران ڪنزرويٽو پارٽي جي رڳو پنجن تڪن ۾ 520 ڪائونسلرن ڪاميابي ماڻي. لنڊن جي ميئر جي اليڪشن هڪ ڀيرو ٻيهر پاڪستان ڄائي  صادق خان کٽي ورتي آهي، هو مسلسل ٽيون ڀيرو لنڊن جو ميئر بڻيو آهي. صادق خان پهريون ڀيرو 2016ع ۾ لنڊن جو ميئر ٿيو هو ۽ هن زيڪ گولڊ سمٿ کي شڪست ڏني هئي. برطانوي وزيراعظم شڪست قبول ڪندي چيو ته ليبر پارٽيءَ جي فتح تي مايوسي ٿي، مستقبل ۾ هو سياسي اڳواڻ جي حيثيت ۾ پنهنجي ڪم تي ڌيان رکندو.