پاڪستاني پارليامينٽ جي 160 ميمبرن پاران وزيراعظم شهباز شريف کي خط

آمريڪي ڪانگريس جي 62 ميمبرن طرفان صدر جوبائيڊن کي تحريڪ انصاف باني جي آزادي لاءِ لکيل خط جي جواب ۾ پاڪستاني پارليامينٽ جي 160 ميمبرن وزيراعظم شهباز شريف کي خط لکي ڇڏيو. پاڪستاني پارليامينٽ ميمبرن  خط آمريڪي ڪانگريس جي 62 ميمبرن کي پاڪستان جي اندروني صورتحال ۾ مداخلت تي لکيو. خط لکندڙن ۾ طارق فضل چوڌري، نويد قمر، مصطفيٰ ڪمال، آسيه ناز تنولي، خالد مگسي ۽ ٻيا شامل آهن. پارلياماني ميمبرن خط ۾ لکيو آهي ته هو پارليامينٽ جي ميمبر طور سمجهن ٿا ته وزيراعظم شهباز شريف ذريعي ڪانگرس ميمبرن کي آگاهه ڪن، پاڪستان جمهوري چئلينجن کي منهن ڏيڻ ڄاڻي ٿو، جنهن کي انتهاپسندي جي سياست وڌيڪ مونجهاري جو شڪار ڪري ڇڏيو آهي. خط ۾ لکيو ويو آهي ته تحريڪ انصاف باني رياستي ادارن خلاف سياسي تشدد ۽ مجرماڻي ڌمڪين کي متعارف ڪرايو، پي ٽي آءِ باني 9 مئي 2023ع تي وڏي پيماني تي هنگاما ۽ ڀڃڊاهه ڪئي، هن هجوم کي پارليامينٽ، سرڪاري ٽيليويزن جي عمارت ۽ ريڊيو پاڪستان تي حملي لاءِ ڀڙڪايو. پارليامينٽ ميمبرن خط ۾ لکيو آهي ته تحريڪ انصاف باني ڏڦيڙي سياست سان آگسٽ 2014ع ۽ مئي 2022ع ۾ به ملڪ کي مفلوج ڪيو هو، پي ٽي آءِ باني جيل مان، اسلام آباد ۽ لاهور ۾ ڏڦيڙ ۽ تشدد کي هوا ڏيڻ لاءِ ڀڙڪائيندو رهيو آهي. وزيراعظم کي لکيل خط ۾ چيو ويو آهي ته تحريڪ انصاف باني ڊيجيٽل دهشتگردي سان سوشل ميڊيا کي ڏڦيڙ ۽ بدامني کي هوا ڏيڻ ۾ استعمال ڪيو، پي ٽي آءِ باني ڊيجيٽل دهشتگردي سان رياست کي ڌمڪائڻ لاءِ سوشل ميڊيا جو استعمال ڪيو. خط ۾ لکيو ويو آهي ته تحريڪ انصاف باني جي ناڪاري مهم ۾ آمريڪا ۽ برطانيا ۾ باغي عنصر ڪردار ادا ڪري رهيا آهن، آمريڪا ۽ برطانيا جون رياستون پنهنجي شهرين خلاف غيرمعمولي قدمن تي مجبور آهن………….