پاڪستان جي سامونڊي فوج عربي سمنڊ ۾ هڪ ارب ڊالر جي منشيات پڪڙي دنيا ۾ پنهنجون صلاحيتون مڃرائي ورتيون

پاڪستان جي سامونڊي فوج عربي سمنڊ ۾ هڪ ارب ڊالر جي منشيات پڪڙي دنيا ۾ پنهنجون صلاحيتون مڃرائي ورتيون آهن. رڳو 48 ڪلاڪن ۾ پاڪستان جي سامونڊي فوج ٻه شڪي ٻيڙين مان ٻه ٽن ڪرسٽل ميٿ، 350 ڪلو گرام آئس ۽  50 ڪلو ڪوڪين هٿ ڪري ورتي. هٿ آيل منشيات جي ماليت 97 ڪروڙ 24 لک ڊالر آهي. آميرڪي سينٽرل ڪمانڊ ڪامياب آپريشن تي سامونڊي فوج کي ڀيٽا پيش ڪئي. سينٽ ڪام هڪ بيان ۾ چيو ته ڪارروائي سعودي قيادت ۾ قائم گڏيل ٽاسڪ فورس ون فائيو زيرو سان واڳيل پي اين ايس يرموڪ ڪئي آهي. سعودي رائل نيوي جي ڪمانڊر فهد الجويد  ان ڪامياب ڪارروائي کي عالمي سهڪار جو بهترين مثال قرار ڏنو آهي.