پاڪستان ڪرڪيٽ بورڊ پنھنجي ويب سائيٽ تي ٽڪيٽن جو وڪرو شروع ڪري ڇڏيو آھي، سموريون ٽڪيٽون آئن لائن خريد ڪري سگھبيون.
پي سي بي رڳو پاڪستان ۾ ٿيندڙ ميچن جي ٽڪيٽن جي وڪرو جو اعلان ڪيو آھي
پھرين مرحلي ۾ ملتان ۽ لاھور جي وي آءِ پي ۽ پريميئم انڪلوزرز جون ٽڪيٽون وڪرو ڪيون وينديون، جڏھن تھ فرسٽ ڪلاس ۽ جنرل انڪلوزرز جون ٽڪيٽون يوم آزادي جي موقعي تي وڪري لاءِ پيش ڪيون وينديون.
پاڪستان ۽ نيپال جي وچ ۾ ٿيندڙ ميچ جي لاءِ وي آءِ پي ٽڪيٽ جي قيمت 5 ھزار رپيا مقرر ڪئي وئي آھي جڏھن تھ پريميئم انڪلوزرز جي ٽڪيٽ جي قيمت 2500 رپيا آھي.
پاڪستان ۽ نيپال جي وچ ۾ ايشيا ڪپ جي پھرين ميچ 30 آگسٽ تي ملتان ۾ کيڏي ويندي.
قذافي اسٽيڊيم ۾ پھرين ٻن ميچن ۾ وقار يونس ۽ وسيم اڪرم انڪلوزرز جي ٽڪيٽ جي قيمت 4 ھزار رپيا ھوندي، جڏھن تھ وسيم اڪرم گيلري جي ٽڪيٽ جي قيمت 7 ھزار رپيا ڪئي وئي آھي.
قذافي اسٽيڊيم ۾ عمران خان ۽ فضل محمود انڪلوزرز جي ٽڪيٽ جي قيمت 2ھزار رپيا مقرر ڪئي وئي آھي.
قذافي اسٽيڊيم ۾ ٿيندڙ ميچن جي لاءِ پريميئم ڪيٽيگري ۾ شامل رميز راجا ۽ سعيد انور انڪوزرز جي ٽڪيٽن جي قيمت 1500 رپيا آھي ……
