پاپ گلوڪاري ۾ ننڍي عمر ۾ نالو ڪمائيندڙ نازيه حسن 3 اپريل 1965ع تي ڪراچيءَ ۾ پيدا ٿي.
نازيه حسن رڳو 15 ورهين جي عمر ۾ ڀارتي فلم ”قرباني “ لاءِ ”آپ جيسا ڪوئي ميري زندگي ۾ آئي“ گانو ڳائي پاڻ مڃرايو ۽ شهريت جي بلندين تي پهچي وئي.
نازيه حسن پنهنجي فني ڪيريئر جي شروعات پاڪستان ٽيليويزن جي مشهور پروگرام ”سنگ سنگ چلين“ کان ڪئي جنهن ۾ سندس ڀاءُ زوهيب حسن به موجود هو.
نازيه حسن ۽ زوهيب حسن گلوڪاري سان گڏ اعليٰ تعليم به حاصل ڪئي.
نازيه حسن جي ”آپ جيسا ڪوئي ميري زندگي ۾ آئي“ گاني مقبوليت جا رڪارڊ قائم ڪيا ۽ هن گاني تي کيس ڀارت جو مشهور فلم فيئر ايوارڊ به مليو.
نازيه حسن اهو ايوارڊ حاصل ڪندڙ پهرين پاڪستاني هئي، هن گاني بعد نازيه ۽ زوهيب حسن جو مشهور البم ” ڊسڪو ديواني“ جاري ٿيو.
نازيه حسن ۽ زوهيب کي فن جي نرالي خدمت جي اعتراف ۾ صدارتي ايوارڊ حسن ڪارڪردگي سان به نوازيو ويو. نازيه حسن ڦڦڙن جي ڪينسر ۾ مبتلا هئي ۽ هن موذي مرض سبب 13 آگسٽ 2000ع ۾ دم ڌڻي حوالي ڪيو.
