پاڪستان ۾ مقرر برطانوي هاءِ ڪمشنر مس جين ميريٽ چيو آهي ته پاڪستان دهشتگردي خلاف جنگ ۾ سڄي دنيا جي امن لاءِ قيمت ادا ڪري رهيو آهي، افغانستان ۾ پابندي مڙهيل ٽي ٽي پي سميت ٻين دهشتگرد پارٽين جي ڪاررواين تي ڳڻتي آهي.
خانگي ٽي وي کي انٽريو ڏيندي مس جين ميريٽ چيو ته پاڪ فوج ۽ سڪيورٽي فورسز دهشتگردي خلاف جنگ ۾ قربانيون ڏئي ڪري پاڪستان ئي نه پر سڄي دنيا جي امن لاءِ قيمت ادا ڪري رهي آهي.
سندس چوڻ هو ته پاڪستان دهشتگردي خلاف جنگ ۾ اهم ترين اتحادي ۽ فرنٽ لائن ملڪ آهي، يوڪرين جي نئين سر اڏاوت ۾ پاڪستاني ڪنسٽرڪشن ڪمپنيون اهم ڪردار ادا ڪري سگهن ٿيون.
پاڪستان ۾ مقرر برطانوي هاءِ ڪمشنر مس جين ميريٽ افغان طالبان کان دهشتگرد تنظيمن خلاف ڪارروائي جو مطالبو ڪندي چيو ته افغانستان جي مسئلي ۽ صورتحال تي هاڻي به دنيا جون نظرون آهن، طالبان، حقاني گروپ ۽ ٻين تنظيمن تي ضابطو آڻن، دهشتگردن کي نه روڪيو ويو ته پاڪستان ئي نه پر سڄي دنيا لاءِ خطرو هوندو…….
