- Advertisement -
ناڻي واري وفاقي وزير ۽ سينيٽر محمد اورنگزيب چيو آهي ته پاڪستان کي شيون ٻاهر موڪلڻ جو مرڪز ٺاهڻو آهي، پائيدار معاشي ترقي لاءِ سڌارا اڻٽر آهن.
دي فيوٽر سمٽ جي نائين ايڊيشن جي تقريب کي خطاب ڪندي ناڻي واري وزير محمد اورنگزيب جو چوڻ هو ته معيشت ۾ خانگي شعبي جو ڪردار گهڻو اهم آهي، ملڪ کي خانگي سيڪٽر کي ليڊ ڪرڻو آهي.
ناڻي واري وفاقي وزير جو چوڻ هو ته پيداوار تي ٻڌل معاشي ترقي ئي پائيدار رستو آهي، پاڪستان جي معيشيت صحيح رستي تي هلي رهي آهي، عالمي ريٽنگ ايجنسي پاڪستان جي معاشي بهتري جو اعتراف ڪيو آهي.
سندس چوڻ هو ته گورنمينٽ جو ڪم ايڪو سسٽم فراهم ڪرڻ آهي، اي آءِ تي ٻڌل ترقي جي لاءِ ايڪو سسٽم ٺاهڻو پوندو، دنيا ۾ معاشي نظام بهتري طرف وڃي رهيو آهي.
محمد اورنگزيب جو چوڻ هو ته ڪيترائي ملڪ معاشي نظام ۾ سڌارا آڻي رهيا آهن، دنيا ۾ ٽيرف رجيم کي وڌيڪ فوڪس ڪيو پيو وڃي.
ناڻي واري وزير جو چوڻ هو ته پاڪستان ٿرڊ لارجسٽ فري لانسرز جي فهرست ۾ شامل آهي، پاڪستان کي شيون ٻاهر موڪلڻ جو مرڪز بڻائڻو آهي، پائيدار معاشي ترقي جي لاءِ سڌارا اڻٽر آهن.
سندس چوڻ هو ته ڊجيٽائزيشن سان معيشيت ۾ شفافيت ايندي، بليو اڪانومي ۾ ڀرپور صلاحيت موجود آهي، ٽيڪس گوشوارا جمع ڪرائيندڙن جي تعداد ۾ واڌ ٿي آهي، 9 لک نوان فائلرز شامل ٿيا آهن.
محمد اورنگزيب جو چوڻ هو ته ڪارپوريٽ منافعو 9 سيڪڙو وڌيو آهي، گوگل پاڪستان کي ايڪسپورٽ هب بڻائڻ جو منصوبو ٺاهڻ چاهيون ٿا، آءِ ٽي ۽ ميري ٽائم سيڪٽر تي فوڪس هوندو.
ناڻي واري وزير جو وڌيڪ چوڻ هو ته بليو اڪانومي کي هٿي ڏيڻ جا ڪيترائي موقعا موجدو آهن، پرڏيهي ڪمپنين پاڪستان کي ڪاروبار ۽ سيڙپڪاري لاءِ پرڪشش هنڌ قرار ڏنو.
سندس چوڻ هو ته ميڪرو اڪنامڪ استحڪام ڪو حتمي مقصد نه بلڪ معيشيت تي سيڙپڪاري اعتماد جو ذريعو آهي.
- Advertisement -
