پاڪستان ڪرڪيٽ ٽيم جي آل رائونڊر شاداب خان چيو آھي تھ ڀارت ۾ ورلڊڪپ کٽڻ لاءِ ذھني طور مضبوط رھڻو پوندو.
شاداب خان ھڪ انٽرويو ورلڊڪپ جي حوالي سان ڳالھائيندي چيو تھ ڪنھن بھ رانديگر لاءِ ورلڊ ڪپ ۾ ملڪ جي نمائندگي ڪرڻ وڏو اعزاز آھي، ھو ان کان اڳ ڀارت ڪڏھن بھ نھ ويو آھي.
ھن چيو تھ ٽيم ۾ موجود گھڻا رانديگر اڳ ڪڏھن بھ ڀارت نھ ويا آھن، کين اندازو آھي تھ اتي تماشائين جي سپورٽ حاصل نھ ھوندي.
شاداب خان جو چوڻ ھو تھ ورلڊڪپ ۾ شامل سموريون ٽيمون ڪپ کٽڻ لاءِ اينديون آھن، ڪنھن بھ ٽيم کي ڪمزور نھ ٿو سمجھي سگھجي.
واضح رھي تھ ورلڊ ڪپ 5 آڪٽوبر کان ڀارت ۾ شروع ٿيندو ۽ آءِ سي سي حتمي شيڊول بھ جاري ڪري ڇڏيو آھي.
پاڪستان ۽ ڀارت وچ ۾ 14آڪٽوبر تي احمد آباد ۾ مئچ کيڏي ويندي
