پاڪستان ۽ بنگلاديش ۾ ٽي ٽوئنٽي سيريز لاءِ شيڊيول فائنل، اعلان جلد ٿيندو…!

ذريعن موجب، پاڪستان ۽ بنگلاديش جي وچ ۾ ٽي-20 انٽرنيشنل سيريز لاءِ شيڊيول فائنل ڪيو ويو آهي، جيڪو پاڪستان ڪرڪيٽ بورڊ (پي سي بي) جلد باضابطه طور تي جاري ڪرڻ وارو آهي,
ٻنهي ٽيمن جي وچ ۾ 5 ٽي-20 ميچن تي ٻڌل سيريز 25 مئي کان 3 جون 2025 تائين کيڏي ويندي.
ذريعن جو چوڻ آهي ته پهرين ۽ ٻي ٽي-20 ميچ 25 ۽ 27 مئي تي فيصل آباد ۾ ڪرائڻ جو امڪان آهي، جڏهن ته آخري 3 ميچون قذافي اسٽيڊيم لاهور ۾ 30 مئي، پهرين ۽ 3 جون تي کيڏيون وينديون.
سيريز جو حتمي شيڊيول هڪ يا ٻن ڏينهن اندر جاري ٿيڻ جي اميد آهي، شوقينن ان جو بي صبري سان انتظار ڪري رهيا آهن.