پاڪستان ۽ سعودي عرب اڳرائي جي مقابلي لاءِ هڪ ئي صف ۾ آهن: سعودي بچاءَ وارو وزير خالد بن سلمان

سعودي عرب جي دفاع واري وزير خالد بن سلمان پاڪستان ۽ سعودي عرب وچ ۾ ٿيل دفاعي معاهدي کانپوءِ اهم بيان جاري ڪيو آهي. سعودي دفاع واري وزير شهزاده خالد بن سلمان پاڪستان ۽ سعودي عرب ۾ ٿيل اهم ترين دفاعي معاهدي جي خبر اردو ٻولي ۾ به سماجي رابطن واري سائيٽ ايڪس تي پوسٽ ڪئي. سعودي دفاع واري وزير چيو ته سعودي ۽ پاڪستان اڳرائي جي مقابلي لاءِ هڪ ئي صف ۾، هميشه ۽ ابد تائين. سينيئر سعودي اهلڪار رائٽرز سان ڳالهائيندي چيو ته معاهدو ڪيترن ئي سالن جي ڳالهين جو نتيجو آهي، معاهدو ڪنهن خاص ملڪ خلاف يا واقعي جو ردعمل ناهي.