امريڪي پرڏيهي کاتي جي ترجمان ميٿيو ملر چيو آهي ته امريڪا معاشي بحران جي حل لاءِ پاڪستان جي ڪوششن جي حمايت جاري رکندو، پاڪ-ڀارت مسئلن جو حل صرف ڳالهين ۾ آهي.
امريڪي پرڏيهي کاتي جي ترجمان ميٿيو ملر هفتيوار پريس بريفنگ ڏيندي چيو ته، هو پاڪستان سميت ڪنهن ملڪ ۾ ڪنهن به سياسي اڳواڻ يا جماعت جو پاسو ناهن کڻندا، پاڪستان ۾ آزاد ۽ صاف شفاف چونڊن جي حمايت ڪن ٿا.
هن چيو ته آمريڪا معاشي بحران تي قابو پائڻ لاءِ پاڪستان جي ڪوششن جي حمايت جاري رکندو.
وزيراعظم طرفان پاڙيسري ملڪ کي ڳالهين جي آڇ واري تي رد عمل ڏيندي امريڪي ترجمان چيو ته پاڪستان ۽ ڀارت کي سڌيءَ ريت ڳالهين ذريعي مسئلا حل ڪرڻ گھرجن.
هن وڌيڪ چيو ته پاڪستان کي منشيات جي خاتمي لاءِ هر سال 4 ملين ڊالر ڏيندا آهن.
