آرمي چيف جنرل عاصم منير چيو آهي ته پاڪستان ۽ چين جا لاڳاپا منفرد ۽ مضبوط آهن، جن سمورن چئليجن جو مقابلو ڪندي پنهنجي مضبوطي ثابت ڪئي آهي.
آءِ ايس پي آر طرفان جاري ڪيل بيان ۾ چيو ويو ته چين جي پيپلز لبريشن آرمي جي 96هين سالگرهه جي ايڇ ڪيو ۾ ملهائي وئي، جنهن ۾ آرمي چيف جنرل عاصم منير خاص مهمان طور شرڪت ڪئي.
تقريب ۾ چيني سفارتخاني جي عملدار پينگ چنڪسو، ميجر جنرل وانگ زونگ ۽ ٻيا پڻ شرڪت ٿيا.
چيني سفارتڪار پي ايل اي جي 96هين سالگرهه تقريب ڪوٺائڻ تي آرمي چيف جا ٿورا مڃيا، سندس چوڻ هو ته چين ۽ پاڪستان وچ ۾ اهو سهڪار تي ٻڌل ڀائيواري وقت ۽ عالمي طور ضروري آهي.
آرمي چيف جنرل عاصم منير، پي ايل ايَ کي واڌايون ڏنيون ۽ چين جي دفاع، سلامتي ۽ قوم جي تعمير ۾ پي ايل اي جي ڪردار جي واکاڻ ڪئي.
جنرل عاصم منير ٻنهي ملڪن جي فوج ۽ عوام وچ ۾ گهرن لاڳاپن جي مختلف پاسن تي روشني وڌي.
سندس چوڻ هو ته پاڪستان ۽ چين جا لاڳاپا منفرد ۽ مضبوط آهن، جن سمورن چئليجن جو مقابلو ڪندي پنهنجي مضبوطي ثابت ڪئي آهي.
آرمي چيف چيو ته پي ايل اي ۽ پاڪستان آرمي هڪٻئي جا ڀائر آهن، هو اجتمامي مفادن جي تحفظ لاءِ پنهنجو ڪردار ادا ڪندا رهندا………..
