وڏي وزير سيد مراد علي شاهه چيو آهي ته پاڪستان ۾ تعليم صحت ۽ موسمياتي تبديلين جا چئنلن آهن، پبلڪ پرائيويٽ پارٽنرشپ ذريعي هو نوجوانن کي اڳتي آڻن رهيا آهن، ڪوشش آهي ته ٻارن لاءِ هڪ بهتري دنيا، ملڪ ۽ صوبو ڇڏي وڃن.
ڪراچيءَ ۾ ٻارن جي عالمي ڏهاڙي جي موقعي تي ڪوٺايل تقريب کي خطاب ڪندي وڏي وزير سيد مراد علي شاهه چيو ته مستقبل ٻارن جو آهي، وڏن کان وڌيڪ ٻارن کي ٽيڪنالاجي جي ڄاڻ آهي.
هن چيو ته سنڌ سرڪار پ پ چيئرمين جي ويزن موجب اڳتي وڌي رهي آهي.
وڏي وزير چيو ته2022ع ۾ تباهي آڻيندڙ ٻوڏ آئي، 20 سيڪڙو آبادي بي گهر ٿي وئي، حڪومت متاثرن کان سٺا گهر ٺاهڻ جو فيصلو ڪيو، هنن اهڙا گهر ٺاهيا جيڪي موسمياتي تبديلين جو مقابلو ڪري سگهن.
سيد مراد علي شاهه چيو ته منصوبي تحت هڪ ڪروڙ 20 لک ماڻهن کي گهر ملن، جن ماڻهن لاءِ هنن گهر ٺاهيا، اهو ڪاٿو 154 ملڪن جي آباديءَ کان به وڌيڪ آهي.
وڏي وزير چيو ته هيل تائين جو سڀ کان وڏو منصوبو نيپال ۾ 8 هزار ماڻهن لاءِ گهر ٺاهڻ هو، هنن اهو رڪارڊ ٽوڙي ڇڏيو آهي.
سيد مراد علي شاهه چيو ته ٻارن کي بهتر مستقبل ڏيڻ ۾ ڪا به ڪسر نه ڇڏي ويندي
