وزيراعظم شهباز شريف چيو آهي ته موسمياتي تبديلي کي منهن ڏيڻ لاءِ وقت سر قدم نه کنيا ويا ته مستقبل ۾ وڏو نقصان ٿيندو ۽ ايندڙ نسل کين معاف نه ڪندا.
آذر بائيجان جي گاديءَ واري هنڌ باگو ۾ ڪوپ 29 سمٽ سربراهي اجلاس کي خطاب ڪندي وزيراعظم شهباز شريف جو چوڻ هو ته پاڪستان 2022ع ۾ تباهي مچائيندڙ ٻوڏ کي منهن ڏنو، لکين ماڻهو متاثر ٿيا ۽ ٻوڏ سبب پاڪستان ۾ اسڪولن، گهرن ۽ فصلن کي شديد نقصان پهتو، 30 ارب ڊالر کان وڌيڪ جو نقصان ٿيو.
وزيراعظم شهباز شريف جو چوڻ هو ته دنيا ۾ موسمياتي تبديلي سبب ٿيندڙ نقصانن تي پاڪستان جي امداد لاءِ واعدو ڪيو ويو، ڪوپ 28 ۾ ڪيل واعدن تي عمل ٿيڻ گهرجي.
هن چيو ته اهي نٿا چاهين ته پاڪستان جيان ٻيا ملڪ ۾ تباهي آڻيندڙ ٻوڏ جهڙي صورتحال کي منهن ڏين، پاڪستان موسمياتي تبديلين کي منهن ڏيڻ لاءِ ڀرپور قدم کڻي رهيو آهي.
وزيراعظم شهباز شريف جو چوڻ هو ته اهي نٿا چاهين ته اهي نيشنل ڪاربن مارڪيٽ فريم ورڪ تي ڪم ڪري رهيا آهن، دنيا کي پاڪستان جهڙي ترقي پذير ملڪن جي مدد ڪرڻي پوندي، پاڪستان توانائي جي متبادل ذريعن ۾ سيڙپڪاري جو خواهشمند آهي.
شهباز شريف چيو ته محفوظ مستقبل لاءِ اکين هنگامي بنيادن تي ماحولياتي تحفظ تي ڪم ڪرڻو پوندو، جيڪڏهن انهن بروقت قدم نه کنيا ته ايندڙ نسل کين معاف نه ڪندا.
