ايشين هاڪي چيمپيئنز ٽرافي ۾ قومي هاڪي ٽيم ڪوريا کي 5 گولن تان شڪست ڏئي برونز ميڊل کٽي ورتو. چين جي شهر موڪي ۾ ٿيل ايشين هاڪي چيمپيئنز ٽرافي ۾ پاڪستان طرفان سفيان خان ۽ حنان شاهد ٻه ٻه گول ڪيا جڏهن ته رومان خان هڪ گول ڪيو.پاڪستان جي سفيان خان کي ٻه گول اسڪور ڪرڻ تي ميچ جو بهترين رانديگر قرار ڏنو ويو،واضح رهي ته پاڪستان ايشين هاڪي چيمپيئنز ٽرافي ۾ ٽئين پوزيشن حاصل ڪري ورتي آهي، ايونٽ جي سيمي فائنل ميچ ۾ پاڪستان کي ميزبان چين هٿان شڪست ٿي هئي جتي چين پاڪستان کي پنالٽي شوٽ آئوٽ تي 2-0 تان شڪست ڏني هئي،ايونٽ ۾ گولڊ ميڊل لاءِ ڀارت ۽ ڏکڻ ڪوريا وچ ۾ ميچ جاري آهي..!
