پرنس ڪريم آغا خان جي لاڏاڻي تي اسماعيلي برادري جي ڏک ۾ برابر جا شريڪ آهن : وزيراعظم

وزيراعظم شهباز شريف، اسماعيلي ڪميونٽي جي روحاني پيشوا پرنس ڪريم آغا خان جي لاڏاڻي تي تعزيت جو اظهار ڪندي  چيو آهي ته هو پرنس ڪريم آغا خان جي لاڏاڻي تي اسماعيلي برادري جي ڏک ۾ برابر جا شريڪ آهن. سماجي رابطن واري ويب سائيٽ ايڪس تي جاري ڪيل پيغام ۾ شهباز شريف، اسماعيلي ڪميونٽي جي روحاني پيشوا پرنس ڪريم آغا خان جي لاڏاڻي تي تعزيت جو اظهار ڪيو. سندس چوڻ هو ته ڪريم آغا خان هڪ قابل اڳواڻ هو، سندس زندگي سڄي دنيا جي مختلف برادرين جي ڀلائي لاءِ وقف هئي. وزيراعظم شهباز شريف چيو ته هن غربت جي خاتمي، پٺتي پيل ماڻهن جي حمايت، صحت ۽ صنفي مساوت لاءِ ڪوشش ڪئي، هو ضرورتمندن لاءِ اميد هو، هن بيشمار زندگين تي نه مٽجڻ جهڙا نقش ڇڏيا آهن.