پريالي ۾ پبلڪ هيلٿ ڊپارٽمينٽ جي مبينا نااهلي سبب گندي پاڻي جي ابل واهه ۾ ڇوڙ سبب شھر جي پل ۽ ڪپر تباھه ٿيڻ لڳا ڪنهن به وقت حادثي جي نتيجي ۾ جاني نقصان ٿيڻ جو خطري ڪري شھرين پل ۽ ڪپرن جي مرمت جو مطالبو ڪيو آهي.
شھر جي گندي پاڻي جي نيڪال جي سسٽم پل ۽ ابل واھه جا ڪپر تباھه ڪري ڇڏيا.
پبلڪ هيلٿ انتظاميه جي مبينا نااهلي سبب گندي پاڻي جو پل وٽان ابل واھه ۾ ڇوڙ جاري آهي.
گندي پاڻي جي ڇوڙ سبب ابل واھه جي پل ۽ ڪپر تباھه ٿي ويا آهن جنهن ڪري ڪنهن به وقت حادثي ۾ انساني جانيون ضايع ٿيڻ جو خطرو آهي.
شھرين ماجد علي سولنگي، علي گل ۽ ٻين چيو ته ايريگيشن آفيس سامهون هجڻ باوجود عملو لا علم بڻيل آهي.
هنن اعليٰ اختيارين کان مطالبو ڪيو ته گندي پاڻي جو ابل واھه ۾ ڇوڙ بند ۽ تباھه ٿيل ڪپر مضبوط توڙي پل جي مرمت ڪرائي بيچيني ختم ڪئي وڃي ٻي صورت احتجاج جو دائرو وڌايو ويندو.
