پنجاب ۾ سموگ جو راڄ ختم نه ٿي سگهيو، دنيا جي آلوده ترين شهرن ۾ لاهور جو ٻيو نمبر برقرار

پنجاب ۾ سموگ جو راڄ ختم نه ٿي سگهيو، دنيا جي آلوده ترين شهرن ۾ لاهور جو ٻيو نمبر برقرار آهي. لاهور ۾ ايئر ڪوالٽي انڊيڪس 358 رڪارڊ ڪئي وئي هئي جيڪا هاڻي گهٽجي 212 ٿي وئي. صوبائي حڪومت فضائي آلودگي کي منهن ڏيڻ لاءِ گرين لاڪ ڊائون جو دائرو وسيع ڪري ڇڏيو. سموگ سبب لاهور ۽ ملتان ۾ يونيورسٽيون ۽ ڪاليج بدستور بند رهندا. يونيورسٽين ۽ ڪاليجن کي  آن لائن ڪلاسن تي منتقل ڪيو ويو آهي، مري کانسواءِ سمورن ضلعن جا اسڪول 24 نومبر تائين بند رهندا. سموگ ۽ ڪوهيڙي سبب رات جو ڏهين وڳي موٽروي کي به مختلف هنڌن تان بند ڪيو ويو هو، جڏهن ته نظر جي حد ۾ بهتري اچڻ بعد موٽر وي کي کوليو ويو آهي