پهرين ون ڊي ميچ ۾ زمبابوي پاڪستان کي شڪست ڏئي ڇڏي، برسات سبب متاثر ميچ ۾ ڊي ايل ميٿڊ تحت زمبابوي کي 80 رنسن تان ڪامياب قرار ڏنو ويو.
پاڪستان زمبابوي خلاف پهرين ون ڊي ميچ ۾ ٽاس کٽي بالنگ جو فيصلو ڪيو، زمبابوي جي ٽيم پهريون بيٽنگ ڪندي 40 اوورن ۽ ٻن بالن تي 205 رنسون آئوٽ ٿي وئي.
بلاوايو ۾ زمبابوي جي پهرين وڪيٽ پنج اوورن ۽ 5 بالن تي 40 رنسن تي ڍير ٿي وئي، جوائي لارڊ گمبي 15 رنسن تي آئوٽ ٿي ويو.
زمبابوي جي ٻي وڪيٽ 58 رنسن تي سلمان آغا، جڏهن ته ٽئين وڪيٽ 67 رنسن تي حارث رئوف حاصل ڪئي.
ميزبان ٽيم جي چوٿين وڪيٽ 83 ۽ پنجين وڪيٽ 99 رنسن تي سلمان آغا حاصل ڪئي، ڇهين وڪيٽ 124 رنسن تي عامر جمال، جڏهن ته ستين وڪيٽ 125 رنسن تي فيصل اڪرم حاصل ڪئي
زمبابوي جي بيٽرز ڪجهه مزاحمت ڏيکاري ۽ پارٽنرشپ قائم ڪندي ٽيم جو اسڪور 187 تائين پهچايو، جنهن کانپوءِ فيصل اڪرم وڌيڪ 2 وڪيٽون حاصل ڪيون.
زمبابوي جي آخري وڪيٽ محمد حسنين حاصل ڪئي، ميزبان ٽيم طرفان سڀ کان وڌيڪ 48 رنسون رچرڊ نگروا ڪيون
پاڪستان جا ڇهه رانديگر 58 رنسن تي پويلين موٽي ويا، جڏهن ته برسات اچڻ تائين قومي ٽيم 6 رنسن جي نقصان تي 60 رنسون ٺاهي سگهي.
ڪامران غلام 17، صائم ايوب 11، عرفان خان 7، سلمان علي آغا 4، عبدالله شفيق هڪ، جڏهن ته حسيب الله ٻڙي تي آئوٽ ٿي ويو، ڪپتان محمد رضوان 17، عامر جمال ٻڙي تي ڪريز تي موجود رهيو.
برسات سبب ميچ کي روڪيو ويو، جيڪو ٻيهر شروع نه ٿي سگهيو، جنهن جي ڪري ڊڪ ورٿ لوئس ميٿڊ تحت زمبابوي کي فاتح قرار ڏنو ويو.
زمبابوي طرفان بليسنگ موزارباني، سڪندر رضا ۽ شان وليمز ٻه ٻه وڪيٽون ورتيون.
