پ پ چيئرمين ۽ پرڏيهي وزير بلاول ڀٽو زرداري چيو آهي ته قومي تاريخ امن امان جي قيام ۽ استحڪام لاءِ پوليس اهلڪارن جي بي مثال قربانين جي لازوال داستانن سان ڀريل آهي، پوليس جا شهيد رڳو کاتي جا ناهن سڄي قوم جا هيرو ۽ شهيد آهن، دهشتگردي خلاف جنگ ۾ پوليس ۽ ٻين قانون لاڳو ڪندڙ ادارن جي قربانين کي هميشه ياد رکيو ويندو.
پوليس جي شهيدن جي ڏهاڙي تي پنهنجي پيغام ۾ بلاول ڀٽو زرداري پوليس جي شهيدن کي ڀيٽا ۽ سندس خاندانن سان ٻڌي جو اظهار ڪيو.
سندس چوڻ هو ته شهرين جي جان، مال ۽ عزت جي تحفظ بابت پوليس جي اهميت ۽ ڪليدي ڪردار تي ڪي به 2 راءِ ناهن، پ پ جي صوبائي حڪومت سنڌ ۾ پوليس جي شهيد جي خاندانن ۽ زخمين لاءِ امدادي رقم ۾ اضافو ڪيو آهي.
پ پ چيئرمين ۽ پرڏيهي وزير بلاول ڀٽو زرداري چيو ته سنڌ حڪومت طرفان شهيدن ۽ زخمي اهلڪارن لاءِ کنيل قدم ساراهه جوڳا آهن، ايندڙ چونڊن ۾ ڪاميابي بعد ٺهندڙ پ پ حڪومت پوليس کاتي کي جديد سهولتون فراهم ڪندي ۽ پوليس اهلڪارن جي ڀلائي لاءِ به وڌيڪ قدم کڻند.
