پيٽرول هڪ رپيو في لٽر مهانگو، ڊيزل جو اگهه برقرار، ناڻي واري وزارت نوٽيفڪيشن جاري ڪري ڇڏيو

وفاقي سرڪار پيٽرول جي اگهه ۾ هڪ رپيو في لٽر واڌ ڪري ڇڏي جڏهن ته ڊيزل جي قيمت برقرار رکي وئي آهي. ناڻي واري وزارت طرفان جاري پڌرائي ۾ چيو ويو آهي ته حڪومت اوگرا ۽ ٻين لاڳاپيل وزارتن جي تجويز جي بنياد تي پيٽروليم شين جي اگهن ۾ مٽا سٽا جو فيصلو ڪيو. پڌرائي موجب، پيٽروليم شين جا نوان اگهه پهرين جون کان ايندڙ 15 ڏينهن لاءِ هوندا. حڪومتي پڌرائي موجب، پيٽرول جي اگهه ۾ هڪ رپيو في لٽر واڌ ڪئي ڪئي جنهن کانپوءِ في لٽر پيٽرول 252 رپيا 63 پيسن کان وڌي 253 رپيا 63 پيسا ٿي ويو. نوٽيفڪيشن موجب، هاءِ اسپيڊ ڊيزل جي قميت بنا ڪنهن مٽا سٽا جي في لٽر 254 رپيا 64 پيسا برقرار رکي وئي آهي.