پاڪستان سپر ليگ سيزن 10 جي 29هين گروپ ميچ ۾ لاهور قلندرز پشاور زلمی کي 26 رنسن تان هارائي پلے آف لاءِ ڪواليفاءِ ڪري ورتو.
پنڊي ۾ مينهن سبب ٽاس دير سان ٿي، برسات متاثر ميچ 13_13 اوورن تي مشتمل هئي، جنهن ۾ پشاور زلمی ٽاس کٽي فِيلڊنگ جو فيصلو ڪيو.
قلندرز کي بيٽنگ ۾ شاندار شروعات ملي ۽ صرف 3 اوورز ۾ بغير ڪنهن وڪيٽ جي نقصان جي 49 رنسون ٺهيون. فخر زمان 60 رنسن جي ڌماڪيدار اننگز کيڏي، لاهور مقرر 13 اوورن ۾ 8 وڪيٽن جي نقصان تي 149 اسڪور ڪيون. زلمی کي ميچ کٽڻ لاءِ 150 رنز جو هدف مليو.
پشاور طرفان احمد دانيال، رضا ۽ ڊينيئل ٻه ٻه وڪيٽون حاصل ڪيون.
جواب ۾ زلمی جي اننگز شروعات کان ئي مشڪلات جو شڪار رهي. 20 جي مجموعي اسڪور تي صائم ايوب ۽ 35 جي مجموعي اسڪور تي محمد حارث پويلين واپس ويا. اسڪور 53 رنسن تي مَس پهتو ته پشاور جي اڌ ٽيم آئوٽ ٿي چڪي هئي. ڊينيئل سيمز 26 ۽ احمد دانيال 24 رنسون اسڪور ڪيون پر ٽيم 13 اوورز ۾ 8 وڪيٽن تي صرف 128 اسڪور ئي ڪري سگهي.
قلندرز لاءِ سلمان مرزا چار، شاهين شاهه آفريدي ٻه، جڏهن ته سڪندر رضا ۽ حارث رؤف هڪ هڪ وڪيٽ ورتي.
