پي ايس 80 ڪي اين شاهه تي چونڊيل پ پ اميدوار عبدلعزيز جوڻيجو لاڏاڻو ڪري ويو.
عبدالعزيز جوڻيجو ڪجهه عرصو بيمار رهڻ بعد ڪراچي جي خانگي اسپتال ۾ دم ڌڻي حوالي ڪيو.
پ پ اڳواڻ عبدالعزيز جوڻيجي جي جو مڙهه اڄ اباڻي ڳوٺ روانو ڪيو ويندو.
عبدالعزيز جوڻيجو جي جنازي نماز ادا ڪرڻ بعد سندس مڙهه اباڻي قبرستان ۾ مٽي ماءُ حوالي ڪيو ويندو.
پ پ اڳواڻ عبدالعزيز جوڻيجو 8 فيبروري 2024ع تي ٿيندڙ عام چونڊن ۾ پي ايس 80 تي جي ڊي اي اڳواڻ ڪريم علي جتوئي کي شڪست ڏيندي 52 هزار 131 ووٽ کڻي ڪاميابي ماڻي.
پ پ ايم پي اي عبدالعزيز جوڻيجو ٽي ڀيرا صوبائي وزير به رهي چڪو آهي.
پ پ اڳواڻ شرجيل ميمڻ پاران عبدالعزيز جوڻيجو جي لاڏاڻي تي ڏک ۽ تعزيت جو اظهار ڪيو ويو آهي.
شرجيل انعام ميمڻ جو چوڻ آهي ته عبدالعزيز جوڻيجو ڏکئي وقت ۾ پ پ سان گڏ بيٺل رهيو.
هن چيو ته پ پ لاءِ مرحوم عبدالعزيز جوڻيجو جون خدمتون هميشه ياد رکيون وينديون، مرحوم جي وفات سوڳوار خاندان لاءِ وڏو صدمو آهي.
