پي ٽي آءِ بانيءَ 9 مئي سانحي تي مشروط معافي وٺڻ جو اعلان

پي ٽي آءِ بانيءَ 9 مئي سانحي تي مشروط معافي وٺڻ جو اعلان ڪندي چيو آهي ته سي سي ٽي وي فٽيجز ۾ پي ٽي آءِ جو هڪ به ڪارڪن آيو ته هو معافي گهرندو، هو فارم 47 واري حڪومت سان ڪنهن به صورت نه ڳالهائيندا، معافي اهو گهرندو آهي جنهن غلطي ڪئي هئي، هنن ڪا غلطي ناهي ڪئي. عدالتي ڪمري ۾ صحافين سان غير رسمي ڳالهه ٻولهه ڪندي پي ٽي آءِ باني چيو ته ظلم ساڻن ٿيو آهي، 10 هزار ماڻهن کي جيل ۾ وڌو ويو. هن چيو ته کين اليڪشن نه وڙهڻ ڏني وئي، 25 مئي جي پيٽيشن کي به نه ٻڌو ويو، هو 9 مئي سانحي جا متاثر آهن ۽ انصاف چاهن ٿا. پي ٽي آءِ بانيءَ چيوته هنن چيف جسٽس کي به چيو ته انساني حقن جي ڀڃڪڙي ٿي آهي. تحريڪ انصاف جي بانيءَ چيو ته سي سي ٽي وي فٽيجز ۾ پي ٽي آءِ جو هڪ ڪارڪن به آيو ته هو معافي وٺندو. پي ٽي آءِ بانيءَ چيو ته 9 مئي سانحي ۾ سندس هڪ به ڪارڪن ملوث نڪتو ته کيس پارٽيءَ مان نيڪالي ڏني وئي، هو فارم 47 واري حڪومت سان ڪنهن به صورت نه ڳالهائيندا، معافي اهو گهرندو آهي جنهن غلطي ڪئي هئي، هنن ڪا غلطي ناهي ڪئي.