پي ٽي آءِ چيئرمين جي گهرواريءَ  بشريٰ بيبيءَ سپريم ڪورٽ کان مڙس جي حالت جو نوٽيس وٺڻ جو مطالبو

بشريٰ بيبي پي ٽي آءِ چيئرمين جي حالت بابت سپريم ڪورٽ ۾ جواب جمع ڪرائي ڇڏي.

قسم نامي ۾ بشريٰ بيبي چيو ته جيل ۾ پي ٽي آءِ چيئرمين جي حياتيءَ کي خطرو آهي، سندس وزن به گهٽجي ويو آهي، سپريم ڪورٽ نوٽيس وٺي.

سپريم ڪورٽ ۾ جمع ڪرايل بيان ۾ بشريٰ بيبي چيو ته ڪيترين ئي ڏکيائين ۽ مسئلن بعد 22 آگسٽ تي اٽڪ جيل ۾ مڙس سان ملاقات جي اجازت ملي، هو ڪمزور ٿي چڪو آهي، جيڪو 70 ورهين جي عمر ۾ خطرناڪ آهي.

سپريم ڪورٽ ۾ بشريٰ بيبي طرفان قسم نامو حامد خان ايڊووڪيٽ طرفان جمع ڪرايو ويو.