پ پ چيئرمين بلاول ڀٽو زرداري، سنڌ ۾ برسات دوران نقصان جي رپورٽ طلب

پ پ چيئرمين بلاول ڀٽو زرداري، سنڌ ۾ برسات دوران نقصان جي رپورٽ طلب ڪري ورتي، سندس چوڻ آهي ته سکر ۽ لاڙڪاڻو ڊويزن هڪ دفعو ٻيهر موسمياتي تبديلين سبب متاثر ٿيا آهن، هيٺين علائقن مان فوري طور برساتي پاڻيءَ جو نيڪالو يقيني بڻايو وڃي. پ پ چيئرمين بلاول ڀٽو زرداري، وڏي وزير مراد علي شاهه کان سنڌ ۾ برسات دوران نقصان جي رپورٽ طلب ڪري ورتي. پ پ چيئرمين بلاول ڀٽو زرداري هدايت ڪندي چيو ته سکر، لاڙڪاڻي ۽ خيرپور سميت سڄي صوبي ۾ ٿيل نقصانن ۽ امدادي گرمين بابت تفصيلي رپورٽ ڏني وڃي. سندس چوڻ هو ته سکر ۽ لاڙڪاڻو ڊويزن هڪ دفعو ٻيهر موسمياتي تبديلين جو شڪار ٿيا آهن. پ پ چيئرمين بلاول ڀٽو زرداري چيو ته سکر ۽ لاڙڪاڻي جي هيٺاهين وارن علائقن مان برساتي پاڻي جي نيڪالي کي يقيني بڻايو وڃي، خيرپور ضلعي ۾ ڊيم جي بند کي گهارو پوڻ واري معاملي جي فوري جاچ ڪرائي وڃي. هن چيو ته يقيني بڻايو وڃي ته ڊيم جي بند ۾ گهاري بعد نقصان گهٽ کان گهٽ ٿين ۽ متاثرن تائين فوري امداد پهچي. پ پ چيئرمين بلاول ڀٽو زرداري چيو ته پي ڊي ايم اي، رليف ۽ ريهبليشن کاتو، برسات متاثرن جي امداد بابت پنهنجي ذميواري نڀائن، پيپلزپارٽي برسات متاثرن کي اڪيلو نه ڇڏيندي