پ پ چيئرمين بلاول ڀٽو زرداري اسلام آباد پهچي ويو آهي، جتي هو اعليٰ اختياراتي سليڪشن بورڊ جي اجلاس ۾ شرڪت ڪندو

پ پ چيئرمين بلاول ڀٽو زرداري اسلام آباد پهچي ويو آهي، جتي هو اعليٰ اختياراتي سليڪشن بورڊ جي اجلاس ۾ شرڪت ڪندو. وزيراعظم شهباز شريف جي صدارت هيٺ اعليٰ اختياراتي سليڪشن بورڊ جو اجلاس ٿيندو. اجلاس ۾ پ پ چيئرمين بلاول ڀٽو زرداري ميمبر طور شرڪت ڪندو. اجلاس ۾ گريڊ 21 جي آفيسرن جي 22 هين گريڊ ۾ ترقي جو جائزو ورتو ويندو. ذريعن جو چوڻ آهي ته گريڊ 21 کان 22 تائين جي 40 کان وڌيڪ پوسٽن لاءِ ترقين جو جائزو ورتو ويندو. آءِ جي سنڌ غلام نبي ميمڻ، وزيراعظم جي سيڪريٽري اسد الرحمان گيلاني، ايف بي آر چيئرمين راشد محمود،  سيڪريٽري تعليم محي الدين احمد واني،  پيٽروليم ڊويزن جي انچارج ايڊيشنل سيڪريٽري مومن آغا سميت ٻين کي 22 هين ۾ ترقي ڏيڻ تي غور ڪيو ويندو. ذريعن موجب اعليٰ اختياراتي سيلڪشن بورڊ جو آخري اجلاس مارچ 2023 ۾ ٿيو هو………….