پ پ چيئرمين بلاول ڀٽو زرداري جي صدارت هيٺ سي اي سي جو اجلاس ٿي رهيو آهي.
لاهور ۾ ٿيندڙ اڄوڪي اجلاس ۾ ملڪ جي مجموعي سياسي صورتحال تي غور ويچار ڪيو ويندو.
ذريعن موجب، سي اي سي اجلاس ۾ صدر ڊاڪٽر عارف علوي پاران اليڪشن ڪميشن کي چونڊن جي تاريخ تجويز ڪرڻ واري خط بابت غور ٿيندو.
ذريعن جو چوڻ آهي ته چيف اليڪشن ڪمشنر سان گڏجاڻي بابت جوڙيل ڪميٽي به پنهنجي رپورٽ سي اي سي کي پيش ڪندي.
ذريعن موجب، سي اي سي اجلاس ۾ عام چونڊون وقت سر ٿيڻ، چونڊ شيڊول ۽ چونڊ حڪمت عملي تي غور ڪيو ويندو.
ذريعن جو چوڻ آهي ته سنڌ ۾ ٻين صوبن مان مقرريون، بدليون ۽ ترقياتي فنڊ روڪڻ بابت به غور ويچار ڪيو ويندو.
ذريعن موجب، مرڪزي اڳواڻن کان چونڊ منشور جي تياري ۽ قطعي شڪل ڏيڻ بابت معاملن تي راءِ ورتي ويندي.
