پ پ چيئرمين بلاول ڀٽو زرداري سان اطلاعات ۽ ٽرانسپورٽ واري اڳوڻي صوبائي وزير شرجيل انعام ميمڻ ملاقات ڪئي.
بلاول ڀٽو زرداري ۽ شرجيل انعام ميمڻ وچ ۾ ملاقات دوران سنڌ جي سياسي صورتحال سميت مختلف معاملن تي ڳالهيون ڪيون ويون.
اڳوڻي صوبائي وزير شرجيل انعام ميمڻ پارٽي چيئرمين کي سنڌ جي سياسي صورتحال سميت مختلف معاملن تي بريفنگ ڏني.
ملاقات دوران شرجيل انعام ميمڻ، بلاول ڀٽو زرداري کي پنهنجي دور ۾ کاتي جي ڪارڪردگي، ڪراچي ۾ ٽرانسپورٽ جي سهولت ڏيڻ ۽ عوامي مسئلا حل ڪرڻ بابت آگاهه ڪيو. پ پ چيئرمين بلاول ڀٽو زرداري، شرجيل انعام ميمڻ جي ڪارڪردگي جي ساراهه ڪئي ۽ کيس تڪ ۾ عوامي مسئلا حل ڪرڻ جي هدايت پڻ ڪئي.
