ڀارت جي اڳوڻي ٽينس اسٽار ثانيه مرزا هن سال حج ادا ڪندي

ڀارت جي اڳوڻي ٽينس اسٽار ثانيه مرزا هن سال حج ادا ڪندي. ان حوالي سان ثانيه مرزا سوشل ميڊيا ايپ انسٽاگرام تي هڪ پوسٽ شيئر ڪئي آهي. پنهنجي دوستن ۽ پيارن کي مخاطب ٿيندي اڳوڻي ٽينس اسٽار لکيو ته، الله تعاليٰ مون کي حج ڪرڻ جي سعادت بخشي آهي ۽ مان زندگي بدلائيندڙ ان تجربي جي تياري ڪري رهي آهيان. ثانيا مرزا ان سان گڏ سڀني کان معافي گهري ۽ لکيو ته ”الله منهنجي دعا قبول ڪري ۽ مون کي هن برڪت واري رستي تي هلڻ جي توفيق عطا فرمائي، توهان سڀ مون کي پنهنجي دعائن ۾ ياد رکو“. ثانيه مرزا پنهنجي پوسٽ جي آخر ۾ لکيو ته هوءَ اميد ڪري ٿي ته حج کان پوءِ هوءِ هڪ بهتر شخص بڻجي واپس ٿيندي….