ڪينڊا سک اڳواڻ هرديپ سنگهه جي قتل ۾ ڀارت جي ملوث هئڻ جي تصديق ڪندي را جي سربراهه ۽ ڀارتي سفيرن کي سفارتخانو ڇڏڻ جو حڪم ڏئي ڇڏيو.
ڪينڊين وزير اعظم جسٽن ٽروڊو ميڊيا سان ڳالهائيندي چيو ته ڪينڊين انٽيليجنس هرديپ جي موت ۾ ڀارتي حڪومت جي ملوث هئڻ جي نشاندهي ڪئي آهي.
هن چيو ته اهو معاملو جَي 20 اجلاس ۾ ڀارتي وزيراعظم نريندي مودي آڏو اٿاريو هو.
سندس چوڻ هو ته ڪينڊين ڌرتي تي شهري جي قتل ۾پرڏيهي حڪومت جو ملوث هئڻ سندن خودمختياري جي خلاف آهي.
ٻئي پاسي ڀارت ۽ ڪينڊين حڪومت جي لاڳاپن ۾ وڌيڪ ڇڪتاڻ پيدا ٿي وئي آهي، ڪينڊا ڀارتي ڳجهي ايجنسي را جي سربراهه ۽ ڀارتي سفير کي ملڪ ڇڏڻ جو به حڪم ڏنو آهي.
ڪئنيڊين حڪومت ڀاتي هاءِ ڪمشنر کي به ملڪ بدر ڪرڻ جو حڪم ڏئي ڇڏيو آهي.
خالصتان جي حامي اڳواڻ هرديپ سنگهه نجر کي ڪينڊا ۾ 18 جون تي گوليون هڻي قتل ڪيو ويو هو، هرديپ سنگهه جي قتل خلاف سکن لنڊن سميت سڄي دنيا ۾ احتجاجي مظاهرا ڪيا هئا.
سک اڳواڻ گرپتونت سنگهه پنون جو چوڻ آهي ته هر ديپ سنگهه جي قتل بابت ڀارت جي ملوث هئڻ بابت سندن دعويٰ سچي ثابت ٿي آهي.
هن چيو ته ڀارت جي انٽيليجنس اهلڪارن جي قتل ۾ ملوث هئڻ جي سازش دنيا ۾ وائکي ٿي وئي آهي.
سندس چوڻ هو ته جسٽن ٽروڊو سچ سامهون اچڻ کانپوءِ ڪئنيڊا ۾ ڀارت جي هاءِ ڪمشنر سنجي ورما کي به فوري طور نيڪالي ڏي.
