چمبڙ ويجهو اوڏ برادري جي نينگر مبينا طور ڦاهو کائي آپگهات ڪري ڇڏيو، اطلاع ملڻ بعد پوليس واقعي واري هنڌ پهچي لاش تحويل ۾ وٺي اسپتال منتقل ڪري ڇڏيو.
بشيرآباد ويجهو 15 سالن جي ارباب پٽ جاني اوڏ گهر ٻاهران وڻ ۾ رسو ٻڌي مبينا طور ڦاهو کائي زندگي جو انت آندو.
اطلاع ملڻ بعد سنجرچانگ پوليس واقعي واري هنڌ پهچي لاش پنهنجي تحويل وٺي چمبڙ رورل هيلٿ سينٽر منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.
نينگر جو لاش گهر پهچائڻ تي گهر ڀاتين ۾ ڪهرام مچي ويو.
