چونڊڪو: ٻيڙي اونڌي ٿيڻ سبب نارا ڪئنال ۾ ٻڏي ويل 6 ڄڻا 24 ڪلاڪ گذرڻ باوجود هٿ نه آيا

چونڊڪي ڀرسان نارا ڪئنال ۾ ٻڏي  ويل هڪ نوجوان سميت پنجن ٻارڙن جا لاش ٻئي ڏينهن به هٿ نه اچي سگهيا آهن. انتظاميه ٻڏي ويل ڳوٺاڻن کي ڪڍڻ لاءِ ڪي به اپاءَ نه ورتا آهن. نگران وڏي وزير جي نوٽيس بعد ايس ايس پي خيرپور واقعي واري هنڌ پهچي حالتن جو جائزو ورتو. گذريل ڏينهن ٻيڙي اونڌي ٿيڻ سبب 11 ڄڻا ٻڏي ويا هئا، جن مان 5 ڄڻن کي زنده حالت ۾ ڪڍيو ويو هو ، جڏهن ته 6 ڄڻا ٻڏي ويا هئا، جن جا لاش اڃا تائين هٿ نه اچي سگهيا آهن.