چونڊڪي ۾ ڦر دوران مزاحمت تي هٿياربندن ٻن واپارين کي گوليون هڻي زخمي ڪري ڇڏيو جن کي اسپتال منتقل ڪيو ويو آهي.
رات دير سان نارا گيٽ روڊ تي ڀرڳڙي ڳوٺ ڀرسان هٿياربندن هٿيارن جي زور تي واپاري ياسين مناس ۽ انصاف مناس کان ڦر لٽ ڪئي.مزاحمت ڪرڻ تي هٿياربندن گوليون هڻي ٻنهي واپارين کي سخت زخمي ڪري ڇڏيو.واقعي بعد زخمين کي چونڊڪو جي اسپتال پهچايو ويو جتان کين شروعاتي علاج بعد سول اسپتال خيرپور منتقل ڪيو ويو.رابطو ڪرڻ تي زخمي ياسين مناس جي ڀاءُ علي حسن مناس الزام هڻندي چيو ته علي حسن ڀنڀرو ۽ ٻين سندس ڀاءُ ۽ سوٽ کان ڦر پيا ڪن مزاحمت تي زخمي ڪري فرار ٿي ويا آھن.سوراهه پوليس ٻڌايو ته واپار جي ڏيتي ليتي تان معاملو ٿيو آھي جڏهن ته پوليس ٻه جوابدار گرفتار ڪري ورتا آهن وڌيڪ جاچ ڪئي پئي وڃي.
