سنڌ جي نامزد نگران وڏي وزير جسٽس رٽائرڊ مقبول باقر چيو آهي ته ڏکين حالتن ۾ اهم ذميواري ملي آهي، ڪوشش هوندي ته ماڻهن جا مسئلا حل ڪيا وڃن.
نجي ٽي وي سان ڳالهائيندي جسٽس رٽائرڊ مقبول باقر چيو ته قانون ۽ آئين جي بالادستي قائم رکڻ لاءِ ڪردار ادا ڪندو.
هن چيو ته مشڪل حالتن ۾ اهم ذميواري ملي آهي اليڪشن ڪرائڻ اليڪشن ڪميشن جو ڪم آهي، هو صرف اليڪشن ڪميشن جي معاونت ڪندا.
سنڌ جي نامزد نگران وڏي وزير جسٽس رٽارئڊ مقبول باقر جو وڌيڪ چوڻ هو ته ڪوشش هوندي آئين ۽ قانون موجب اليڪشن ٿئي.
واضع رهي ته سنڌ جي گورنر ڪامران ٽسوريءَ جسٽس رٽائرڊ مقبول باقر جي نگران وڏي وزير طور مقرري جي منظوري ڏني آهي جنهن جو نوٽيفڪيشن پڻ جاري ڪيو ويو آهي.
