- Advertisement -
ڏکڻ وزيرستان ۾ دهشتگردن سان فائرنگ جي ڏي وٺ ۾ ٽي بهادر فوجي جوان شهيد ٿي ويا.
آءِ ايس پي آر طرفان جاري پڌرائي موجب، وزيرستان ۾ سڪيورٽي فورسز ۽ دهشتگردن ۾ فائرنگ جي ڏي وٺ ٿي جنهن ۾ ٽي بهادر فوجي جوان شهيد ٿي ويا.
آءِ ايس پي آر موجب، شهيد جوانن ۾ سپاهي اسدلله، سپاهي محمد سفيان ۽ زين علي شامل آهن.
ترجمان پاڪ فوج موجب، 30 ورهين جي جي سپاهي اسد الله شهيد جو تعلق مٽياري سان هو، 28 سال جو سپاهي محمد سفيان شهيد ڊيرا اسماعيل خان ۽ 24 ورهين جو زين علي بهاولنگر جو رهواسي هو.
آءِ ايس پي آر موجب، علائقي ۾ ٻين امڪاني دهشتگردن جي خاتمي لاءِ ڪليئرنس آپريشن ڪيو ويوآهي.
ڊي جي آءِ ايس پي آر جو وڌيڪ چوڻ آهي ته سڪيورٽي فورسز ملڪ مان دهشتگردن جي خاتمي لاءِ پرعزم آهي، بهادر جوانن جون اهڙيون قربانيون سندن عزم وڌيڪ مضبوط ڪنديون آهن.
واضع رهي ته ان کان اڳ اتر وزيرستان ۾سڪيورٽي فورسز ۽ دهشتگردن ۾ فائرنگ جي ڏي وٺ ۾ ڪيپٽن محمد اسامه بن ارشد شهيد ٿي ويو هو..- Advertisement -
