- Advertisement -
ڏکڻ ڪوريا جي معطل صدر “يون سـِک ول” کي گرفتار ڪيو ويو.
پرڏيهي خابرو ايجنسي موجب، جاچ ٽيم هڪ هزار جي ويجهو اهلڪارن سان گڏ صدارتي محل پهتي هئي، جاچ ٽيم ۽ صدارتي محل جي محافظن ۾ چڪريون پڻ ٿيون.
رپورٽن موجب، ڏکڻ ڪوريا جي معطل صدر جي هزارين حامين طرفان ڍال بڻجڻ جي ڪوشش کي ناڪام بڻائيندي “يون سـِک ول” کي گرفتار ڪيو ويو.
خابرو ايجنسي موجب، ان کان اڳ سرچ ۽ گرفتاري وارنٽ ڏيکارڻ باوجود جاچ ٽيم کي روڪيو ويو هو.
ڪرپشن انويسٽيگيشن عملدارن موجب، وارنٽ تي عمل ڪرڻ کان روڪيندڙن کي حراست ۾ ورتو ويندو.
واضع رهي ته 3 ڊسمبر تي مختصر مدي لاءِ مارشل لا لڳائڻ تي صدر “يون سـِک ول” جي مواخذي کانپوءِ آئيني عدالت ۾ ڪيس ٻڌڻي هيٺ هو.- Advertisement -
