- Advertisement -
کهڙا ڀرسان ڪچي جي ڪورائي برداري جي ٻن ڌرين ۾ پراڻي خوني تڪرار تان گهر تي حملي عورت سميت 3 گهرڀاتي قتل ۽ 2 نينگريون زخمي ٿي پيون.
رات دير سان لانڍيون ٿاڻي جي حد ۾ ڳوٺ پنهل خان ڪورائي ۾ هٿياربندن نادر علي ڪورائي جي گهر تي حملو ڪري فائرنگ ڪئي.
فائرنگ ۾ گهرڌڻي نادر علي ڪورائي، عورت زبيده ڪورائي ۽ نوجوان لعل بخش عرف فياض ڪورائي قتل ٿي ويا، جڏهن ته گوليون لڳڻ سبب ٻه نينگريون فائزه خاتون ۽ رحيمان زخمي ٿي پيون.
اطلاع تي پوليس پهچي مقتول جا لاش ۽ زخمين ٻارڙين کي اسپتال کڻائي وئي.
واقعي سبب سخت خوف ۽ حراس پکڙجي ويو آهي.
آخري اطلاعن تائين واقعي جو ڪيس داخل نه ٿي سگھيو هو ۽ نه ئي ڪا گرفتاري عمل ۾ اچي سگھي هئي.- Advertisement -
