ڪي پي جي گورنر فيصل ڪريم ڪنڊي چيو آهي ته کيس نه ٿو لڳي ته پ پ وفاقي حڪومت جو حصو ٿيندي.
هڪ انٽرويو ۾ فيصل ڪريم ڪنڊي چيو ته ڪي پي جي وڏي وزير علي امين گنڊا پور سان سندس ڪنهن به قسم جي ملاقات نه ٿي آهي، هاڻي دير ٿي چڪي آهي، ساڻس رابطي جو امڪان ناهي.
هن چيو ته مخالف ڌر جو ڪم حڪومت تي دٻاءُ وجهڻ آهي، اپوزيشن گوڙ ڪري بائيڪاٽ ڪندي ۽ حڪومت بجيٽ پاس ڪرائي ويندي.
سندس چوڻ هو ته بجيٽ بابت پ پ ۽ حڪومت ۾ ڳالهيون هلي رهيون آهن، جيڪڏهن ڳالهيون ڪامياب ٿيون ته گڏجي بجيٽ جي منظوري ڏني ويندي.
فيصل ڪريم ڪنڊي چيو ته موجوده بجيٽ آءِ ايم ايف جي آهي، قرض وٺن ٿا ته عالمي اداري جون ڳالهيون به مڃڻيون پونديون، حڪومت ڪوشش ڪئي ته سٺي بجيٽ ڏني وڃي.
هن چيو ته وزيراعظم طرفان آءِ ايم ايف جو پروگرام آخري هئڻ واري ڳالهه سٺو سنوڻ آهي…………………..
